Hamein Tum Aazmana Chhod Do

Suno Meri Taraf Dekho,

Mujhe Aise Na Tadapao,

Ki Mere Jaan Nikalti Hai,

Tumhare Rooth Jaane Se,

Main Marne Se Nahi Darta,

Meri Jana Magar Sunlo,

Ye Duniya Pyari Lagti Hai,

Tumhare Paas Aane Se,

Meri Saanson Mein Khushboo Ki,

Lahar Si Daud Uth-Ti Hai,

Ki Goya Phool Girte Ho,

Tumhare Muskurane Se,

Subah Gulshan Mein Mujhse Aaj,

Koyal Ne Shikayat Ki,

Taranum Bhool Wo Jaye,

Tumhare Gun-Gunane Se,

Hamein Tum Aazmana Chhod Do,

Haye Illteja Ye Hi,

Hamara Dam Nikalta Hai,

Tumhare Aazmaane Se.