Kitni Yeh Jawaan Raat Hai Tanha

Tere Bin Mere Jazbaat Hai Tanha,

Kitni Yeh Jawaan Raat Hai Tanha,

Kis Se Karoon Bayaan Jazbon Ko,

Lab Par Aate Khayalaat Hai Tanha,

Tum De Gaye The Apni Ek Nishaani,

Us Muskaan Ki Sougaat Hai Tanha,

Hai Saji Haseen Sitaaron Ki Mehfil,

Chand Se Apni Mulaqaat Hai Tanha,

Bas Gaye Ho Yun Mere Lafzon Mein,

Tere Zikar Bina Har Baat Hai Tanha,

Dhoondhe Tujh Ko Nazrein Gali-Gali,

Behte Ashqon Ki Barsaat Hai Tanha,

Bulaati Hai Paas Tujhe Yaadein Meri,

Wo Mohabbat Ke Lamhaat Hai Tanha.